Abotsanitzen erronka handi bat daukagu arlo komunikatiboan alderdiko lana zein udaleko lana zuengana iristeko. Alderdi txiki bat gara eta gure medioak mugatuak dira, baina gure proiektuan sinistuak gaude eta horregatik egunez egun komunikazioa hobetzeko lanean bagabiltza euskarri tradizional zein digitalak uztartuz.
Udal Kronikaren kasuan, apustua bikoiztu dugu eta hemendik aurrera mami gehiagorekin iritsiko zaizue etxera, orri eta eduki gehiagorekin. Zarata eta nahasmenari zehaztasunarekin eta zintzotasunarekin erantzungo diogu, ondo informatutako herritarra herritar ahaldundua delako!
